Рубрыка "Праменад" з Ларысай Гулякевіч

Як карысна правесці апошнія выхадныя лета! Міжнародны фестываль феерверкаў «Навальніца». Выстава майстра дэкаратыўнай апрацоўкі металу Юрыя Любімава і экспазіцыя побыту Заходняй Беларусі 100 гадоў таму. Усе падрабязнасці ў Ларысы Гулякевіч. Рубрыка "Праменад".

Міжнародны фестываль феерверкаў «Навальніца» праводзіцца ў суботу ў Лагойску. Бяспека і музычная суправаджэнне яскравым салютам забяспечаны!

Прафесійныя каманды дэманструюць апошнія піратэхнічныя тэхналогіі і змагаюцца за Гран-пры. Судзіць будзе міжнароднае журы. Асноўныя крытэрыі: своечасовасць і сінхроннасць музыкі і залпаў, а таксама максімальнае выкарыстанне каляровай гамы. Акрамя піратэхнічнага шоу, для гасцей фестывалю фуд-корты, барбекю-зоны, дзіцячыя пляцоўкі і канцэртная праграма з удзелам сучасных беларускіх калектываў.

Сімвалы агню і абярэгі, беларускі арнамент, анімалістычныя матывы склалі аснову чаканкі і мастацкага ліцця, яны чытаюцца ва ўзорах дэкаратыўных пано і ювелірных вырабаў, створаных Юрыем Любімавым. Выстава ў галерэі "Беларт".

Майстар дэкаратыўнай апрацоўкі металу Юрый Любімаў адзначыў 80-годдзе. Знакамітаму мастаку належаць работы па афармленні Мінска ў метале, у тым ліку гербы ў залах пасяджэнняў, флюгеры і фантаны. Асаблівае месца ў творчасці займаюць ювелірныя вырабы з выкарыстаннем толькі сапраўдных металаў і камянёў. Прадэманстраваны таксама і яго мастацкія палотны. Юрый Любімаў нарадзіўся і вучыўся ў Расіі, вялікую частку жыцця прысвяціў мастацтву ў Беларусі. Персанальная выстава працягнецца да 7 верасня.

Гэта экспазіцыя знаёміць з жыццём Заходняй Беларусі 20-30-х гадоў як са штодзённым побытам, так і перыядам паміж дзвюма войнамі. Нават кінастужкі тых часоў запрашаюць акунуцца ў пачатак мінулага стагоддзя.

Прагуляцца па вуліцах заходне-беларускага горада міжваеннага перыяду: зазірнуць у школу, банк, на пошту, кнігарню і кінатэатр. А ў «швейным атэлье» можна прымераць модны касцюм і зрабіць фота на памяць. Міжнародны праект пад назвай "Дзесьці на захад ад Мінска" праходзіць на новай выставачнай пляцоўцы на плошчы Перамогі. Арганізаваны сумесна з музейнымі работнікамі Польшчы, Нясвіжскага музея-запаведніка і Нацыянальнай бібліятэкай Беларусі.

Апошнія выхадныя лета завяршае гарадскі фестываль "Класіка ля ратушы" з удзелам Прэзідэнцкага аркестра ў праграме "Класіка сустракае рок". Нясумных выхадных!